Admin Admin
Сообщения : 86 Дата регистрации : 2013-07-13 Возраст : 47 Откуда : Башкортостан
| Тема: Башҡортостан Республикаһының дәүләт символдары Чт Апр 15, 2021 6:39 pm | |
| Дәүләт гербы Герб Башҡортостан Республикаһының Дәүләт гербы Башҡортостан Республикаһының дәүләт символы булып тора. Башҡортостан Республикаһы Парламенты тарафынан 1999 йылдың 6 июлендә ҡабул ителде. Рәсәй Федерацияһы Дәүләт геральдика регистрында 164-се номер аҫтында.
Башҡортостан Республикаһының Дәүләт гербы милли орнамент менән уратып алынған түңәрәк эсендә ҡалҡып килеүсе ҡояш һәм уның нурҙары фонында Салауат Юлаев һәйкәле һүрәтенән тора. Түбәндәрәк ҡурай сәскәһе тажы, халыҡтар батырлығы символы, һүрәтләнгән. Башҡортостан Республикаһының Дәүләт флагы төҫтәренә буялған, аҡ төҫлө юлына «Башҡортостан» тигән яҙма менән таҫма төшөрөлгән. Башҡортостан Республикаһы Дәүләт гербының төҫлө һүрәтендә Салауат Юлаевҡа һәйкәл һәм орнамент – алтынһыу, ҡурай сәскәһе – йәшел, ҡалҡып килеүсе ҡояш – асыҡ алтынһыу төҫтә, ҡояш нурҙары – һары, һәйкәл менән орнамент араһындағы фон – аҡ, эске һәм тышҡы түңәрәктәр – ҡуйы алтынһыу төҫтә.
Салауат Юлаев – башҡорт халҡының милли геройы, башҡорт батырҙарының ҡаһарманлығына, тыуған тәбиғәтенә дан йырлаусы халыҡ шағиры, уның ижады төрлө ҡыҫырыҡлауҙарға ҡаршы көрәш рухы менән һуғарылған, телдән телгә күсә килгән. Әммә гербта конкрет шәхес һүрәтләнмәгән. Салауатҡа һәйкәл – азатлыҡ һәм ғәҙеллек өсөн көрәшеүсе дөйөмләштерелгән яугир егет образы, ул Башҡортостан халыҡтарының дуҫлығын һәм берҙәмлеген символлаштыра.
Гербтың авторы – Фазлетдин Фәррәх улы Ислахов.
Дәүләт флагы Флаг Башҡортостан Республикаһының Дәүләт флагында зәңгәр төҫ – Башҡортостан Республикаһы халыҡтарының асыҡлығын, изгелеген һәм уй-ниәттәренең сафлығын; аҡ төҫ – Башҡортостан Республикаһы халыҡтарының тыныслыҡты һөйөүен, эскерһеҙлеген, үҙ-ара хеҙмәттәшлеккә әҙер булыуын; йәшел төҫ – иректе, тормоштоң мәңгелеген аңлата.
Ҡурай сәскәһе – дуҫлыҡ символы, уның аҡ буй уртаһында урынлашҡан ете таж япрағы Башҡортостан Республикаһы территорияһында йәшәүсе халыҡтарҙың берләшеүенә нигеҙ һалыусы ете ырыуҙы символлаштыра.
Дәүләт гимны Рауил Бикбаев, Рәшит Шәкүр һүҙҙәре (башҡорт телендә)
Фәрит Иҙрисов, Светлана Чураева һүҙҙәре (рус теленә тәржемә)
Фәрит Иҙрисов музыкаһы Башҡортостан Республикаһы Дәүләт гимнының аудиофайлы
Гимндың башҡорт телендәге тексы Гимндың рус телендәге тексы Башҡортостан, hин hөйөклө ғәзиз ер, Халҡыбыҙҙың изге Ватаны. Сал Уралдан ҡалҡа бар тарафҡа Тыуған илдең тыныс ал таңы
Дан hиңә, Башҡортостан! Илен hөйгән азат халҡыңа дан! Рәсәй менән бөйөк берҙәмлектә Сәскә ат, Башҡортостан!
Башҡортостан, hин хөрмәтле данлы ил, Еңеү яулап алға бараһың. Киләсәккә яҡты нур-моң сәсә Һинең ғорур рухлы байрағың.
Республикам, йондоҙ булып балҡы hин, Күҡрәп йәшә, гүзәл илебеҙ. Тыуған ерҙә hүнмәҫ усағыбыҙ, Туған телдә тынмаҫ йырыбыҙ Башкортостан, Отчизна дорогая, Ты для нас священная земля. С Урала солнце всходит, озаряя Наши горы, реки и поля.
Славься, наш Башкортостан! Судьбой народу ты для счастья дан! С Россией мы едины — и всегда Процветай, Башкортостан!
Башкортостан — ты наша честь и слава, Доброй волей, дружбой ты силен. И стяг твой реет гордо, величаво - Он свободой, братством окрылен.
Республика, сияй звездой прекрасной, Ты ликуй в свершеньях и трудах! Родной очаг пусть никогда не гаснет, Пусть ведут нас песни сквозь года. | |
|